कोल्रेन * (Colerain)

मन गाडेर बस्न पनि
त्यसै बिरानो लाग्ने,
छोडेर अन्त कतै जान पनि
यतै  मन अल्झी रहने,
खै,
यो ठाँऊ कस्तो हो कोनि,
बाँकी जिवन त त्यस्तै हो
आज हो कि भोलि ?
यही कोलोरेन् कै भो कोसेली ।

बिरानो लाग्द-लाग्दै,
पुरानो भैईयो ।
जान्दा-नजान्दै
सेतै हिँऊको थुप्रो र
रङ्गि-बिरङ्गी पातहरुमा
पिरतिको साईनो लाईयो ।
सानो मनको सानै शहर,
गोलन्टी **  नै नभए पनि
मेरै कोलोरेन रमाईलो ।


*कोलोरेन् (COLERAIN)- ओहाईयो( Ohio) राज्यको सिन्सिन्नाटी (Cincinnati) शाहरको एउटा सानो गाँऊ जहाँ मेरो बास स्थान छ ।

**गोलन्टि (GOLANTI) - दैफाम भुटानको एउटा सानो गाँऊ जहाँ मेरो बाल्यकाल बित्यो, जहाँ मैले सन्सार चिंने ।