रातो अनुहार.........
रातै कान.........
अनि,
रसिला आँखा पारेर
जिब्रो पड्काँउदै....
उनले भनिन्
"वाह् !!! क्या मीठो !!"
एक कचौरा सपनाका
अनी
अर्को कचौरा कल्पनाका
सुकुटिहरु भुटेर
रसिला.. अनि नुनिला...
आँशुका तप्कनिहरुमा
मुछेर टोक्दै फेरी भनिन्
"वाह!!! क्या मीठो!!"
मलाई धेर नजिस्काऊ
मलाई धेर नदुखाऊ,
हैन भने,
म पनि....
'राज भाई' झैं
सपना र कल्पनाहरु
मेरै भित्रास सङ्ग
परपरी भुटेर
ज्यानमारा खोर्सानी सङ्ग साँदेर
तिम्रै अगाडि, तिम्रै सामुन्ने
कुरुम-कुरुम..... चपाइदिन्छु ।
मैले जस्तै उनले पनि
सपनाका बगैंचाहरु सजाएकी थिन ।कती फुले, कती फले,
त्यसको लेखा जोखै भएन ।
तर एउटा भने
कस्तो हो कुन्नीसुम्सुम्याउंदा-सुम्सुम्याउंदा
भुतुक्क थाकेर बस्छिन्,
जब छोरीले 'हरियो' के हो ?अझै बुझ्दिनन ।
अनि
कचौराको सुकुटी टोक्दै
फेरी भन्छिन्
"वाह् !!! क्या मीठो !!"
No comments:
Post a Comment