आत्माहत्यको सफल प्रयास

तपाईंले याद गर्नु भा' छ ? ?
आजकाल तपाईंको 'ड्राइभ्वे'मा
कोही पनि ओहोर-दोहोर गरेको देखिँदैन ?

-  -  -  -  -  -  -  -

एकजोर फुटेका कुर्कुच्चा बोकेर
पिटिक्-पिटिक्, पिटिक्-पिटिक् गर्दै,
तपाईकै 'नेबर्हूडमा ' ओहोर्-दोहोर गरिरहने,
एकजोर फाटेका चप्पल
तपाईंकै 'ड्राइभ्वे' सम्म
दिनहुँ आउँथे अनि जान्थे
.........आउँथे अनि जान्थे ।

- - - - - - - - - - - - -

यस विशाल मुलूकको बक्ररेखामा
बिलाएका आफ्नै अनगन्ति,
टाटे-पाङ्ग्रे ढाका टोपीहरु ,
ठुङ्ग्दा- ठुङ्ग्दा भुत्ते भएका
धार बिहीन सिरुपातेहरु
अनि
टाउका बिहीन मजेत्राहरुसङ्ग
दोहोरो वार्ता गर्नु छ भन्दै
मच्ची मच्ची कराई रहन्थे ।

- - - - - - - - - - - - - - - -

कार्यलय देखी मझेरीसम्म चाहिने दोभाषे
छोराको 'म्यान्डेटोरी', भ्याउँदै नभ्याउँने,
छोरीलाई  राम्रोसङ्ग नेपाली भाकै नआउँने,
कुन्ठित वेदना, अविरल आँसु बोकी
सुँक्सुकाउँदै पश्च्ताप बगाईरहन्थे,
"ऊ ! पागल आयो भनी सबै डराउँथे,
छी छी दुर-दुर गरी सबै कराउँथे ।

- - - - - - - - - - - - - - - - -

सामाजिक सन्जाल 'फेसबुक्' भरी
'बिसिसिले' एउटा दुखद समचार छाप्यो,
कसैको 'बेस्मेन्ट्'को 'फर्नेस्' छेउमा
अमेरिकि झण्डा एक हातमा लिएर
एकजोर फुटेका कुर्कुच्चा
एकजोर फाटेका चप्पलसङ्गै झुण्डी रहेको थियो,
आत्मा हत्यको सफल प्रयासमा ।

- - - - - - - - - - - - - - - - - -

तपाईंले याद गर्नु भा' छ ? ?
आजकाल तपाईंको 'ड्राइभ्वे'मा
कोही पनि ओहोर-दोहोर गरेको देखिँदैन ?